ഇടുക്കിയിൽ കോവിഡ് സ്ഥിരീകരിച്ച കോൺ​ഗ്രസ് നേതാവ് മന്ത്രിമാരെയും കണ്ടിരുന്നു എന്നു സൂചന

ഇടുക്കി ജില്ലയിൽ കോവിഡ് ബാധിതനായ കോൺ​ഗ്രസ് നേതാവ് സംസ്ഥാനത്തെ മുതിർന്ന കോൺ​ഗ്രസ് നേതാവുമൊത്ത് മന്ത്രിമാരെ സന്ദർശിച്ചിരുന്നു എന്ന് സൂചന. വ്യാഴാഴ്ച കോവിഡ് സ്ഥിരീകരിച്ച ഇദ്ദേഹം ജില്ലയിൽ കോവിഡ് സ്ഥിരീകരിച്ചതിൽ ആദ്യത്തെ തദ്ദേശീയനാണ്. കാസർ​​ഗോഡ്, പാലക്കാട്, എറണാകുളം, തിരുവനന്തപുരം ജില്ലകൾ ഇദ്ദേഹം സന്ദർശിച്ചിരുന്നു. ഇടുക്കി ജില്ലയിൽ ഇതുവരെ മൂന്നു കോവിഡ് 19 കേസുകളാണ് റിപ്പോർട്ട് ചെയ്യപ്പെട്ടിരുന്നത്. അതിൽ ബ്രിട്ടീഷ് പൗരനും രണ്ടാമെത്തെതു ദുബായിൽ നിന്നും തൊടുപുഴ കുമാരമം​ഗലത്ത് എത്തിയ വ്യക്തിയുമാണ്.
അതേ സമയം വയനാട്ടിലും ആദ്യ കോവിഡ് ബാധ റിപ്പോർട്ട് ചെയ്തിരിക്കുകയാണ്. അബുദാബിയിൽ നിന്നെത്തിയ മാനന്തവാടി സ്വദേശിയായ 45 കാരനാണ് രോ​ഗം സ്ഥിരീകരിച്ചത്. ഇദ്ദേഹം കഴിഞ്ഞ 21 ന് അബുദാബിയിൽ നിന്നും എത്തുകയും എത്തിയ ഉടനെ തന്നെ സ്വയം ക്വാറന്റെന് വിധേയമാകുകയും ചെയ്തയാളാണ്. ഇദ്ദേഹത്തിന്റെ പ്രൈമറി കോണ്ടാക്ടിൽ മൂന്നു പേർ മാത്രമാണ് ഉള്ളത്. മലപ്പുറം ജില്ലയിൽ മൂന്നു പേർക്കാണ് ഇതുവരെ കോവിഡ് സ്ഥിരീകരിച്ചിരിക്കുന്നത്.