Connect with us

Hi, what are you looking for?

News

കൊറോണ വൈറസ് – കേരളത്തിൽ 80 പേർ നിരീക്ഷണത്തിൽ, ജാ​ഗ്രത വേണം !

കൊച്ചി : കൊറോണ വൈറസ് ബാധയുടെ പശ്ചാത്തലത്തിൽ അടുത്തിടെ ചൈന സന്ദർശിച്ചു തിരിച്ചു വന്ന 80 പേർ നിരീക്ഷണത്തിൽ. പനി , ചുമ തുടങ്ങിയ ചെറിയ അസ്വസ്ഥകൾ പ്രകടിപ്പിച്ച ഏഴുപേരെ വിവിധ ആശുപത്രികളില്‍  പ്രവേശിപ്പിച്ചിരിക്കുകയാണ്. ബാക്കിയുള്ളവർ അവരവരുടെ വീടുകളിൽ തന്നെ നിരീക്ഷണത്തിൽ കഴിഞ്ഞു വരുന്നു . 28 ദിവസങ്ങൾ വീടിനു പുറത്തിറങ്ങാതെയും ആളുകളുമായി സമ്പർക്കത്തിൽ  ഏര്‍പ്പെടാതെയും സൂക്ഷിക്കണമെന്നാണ് ആരോ​ഗ്യ വകുപ്പ് അധികൃതർ പറയുന്നത്. കൊച്ചി അന്താരാഷ്ട്ര വിമാനത്താവളത്തിൽ നടക്കുന്ന പരിശോധനയിൽ ഇതുവരെ സംശയാസ്പ​ദമായ ഒന്നും തന്നെ റിപ്പോർട്ട് ചെയ്യപ്പെട്ടില്ല. ചൈനയിലെ വുഹാനിലാണ് ആദ്യം ഈ വൈറസ് ബാധ റിപ്പോർട്ട് ചെയ്യപ്പെട്ടത്. തുടർന്ന് സിം​ഗപ്പൂർ, അമേരിക്ക, വിയറ്റ്നാം, ജപ്പാൻ, നേപ്പാൾ,തായ്ലാൻഡ്, ദക്ഷിണ കൊറിയ എന്നിവിടങ്ങളിലും സ്ഥിരീകരിച്ചിരുന്നു. കൊറോണ വൈറസ് ബാധയുടെ പശ്ചാത്തലത്തിൽ സംസ്ഥാനത്തെ മെഡിക്കൽ കോളേജ്, ജില്ലാ ആശുപത്രി, ജനറൽ ആശുപത്രി എന്നിവിടങ്ങളിൽ എല്ലാം ഐസൊലേഷൻ വാർ‍ഡുകൾ സജ്ജമാക്കാൻ ആരോ​ഗ്യ മന്ത്രി കെ കെ ശൈലജ നിർദ്ദേശം നൽകിയിട്ടുണ്ട്. ലോകാരോ​ഗ്യ സംഘടനയുടെ നിർദ്ദേശം അനുസരിച്ചാണ് ഇത്തരമൊരു നടപടി ആരോ​ഗ്യ വകുപ്പ് കൈക്കൊണ്ടത്. സുരക്ഷാ മാർ​ഗങ്ങളും മരുന്നുകളും ഉടൻ ലഭ്യമാക്കാൻ കെ.എംഎസ്സി.എല്ലിനെ ചുമതലപ്പെടുത്തിയിട്ടുമുണ്ട്. രോ​ഗ ബാധ സംശയിക്കപ്പെടുന്നവരുടെ എല്ലാം സാമ്പിളുകൾ വൈറോളജി വിഭാ​ഗത്തിലേയ്ക്ക് അയച്ചിട്ടുണ്ട്. കൊറോണ വൈറസ് ബാധിച്ച് 25 പേരാണ് ചൈനയിൽ മരിച്ചത്. 830 പേർക്ക് രോ​ഗം സ്ഥിരീകരിക്കുകയും ചെയ്തിട്ടുണ്ട്. ചൈനയിലെ 29 പ്രവിശ്യകളിൽ കൊറോണ വൈറസ് ബാധ സ്ഥിരീകരിച്ചിട്ടുണ്ട്. എന്നാൽ സൗദി അറേബ്യയിൽ മലയാളി നേഴ്സിന് കൊറോണ വൈറസ് ബാധിച്ചു എന്ന റിപ്പോർട്ടുകൾ തെറ്റാണെന്നും,  ഇത് 2012 ൽ‌ കണ്ടെത്തിയ മെഴ്സിന് കാരണമായ  വൈറസാണെന്നും , ചികിത്സാ വിധേയമാണെന്നും ഇന്ത്യൻ നയതന്ത്രാലയം ട്വീറ്റ് ചെയ്തിട്ടുണ്ട്.

Click to comment

You must be logged in to post a comment Login

Leave a Reply

You May Also Like

News

തൃശൂര്‍ കമ്മീഷ്ണര്‍ അങ്കിത് അശോകന് സ്ഥലംമാറ്റം. ഇളങ്കോ ആണ് പുതിയ തൃശ്ശൂര്‍ സിറ്റി പൊലീസ് കമ്മീഷ്ണര്‍. അങ്കിതിന് പുതിയ നിയമനം നല്‍കിയിട്ടില്ല. പൊലീസിന്റെ അനാവശ്യ നിയന്ത്രണങ്ങളാണ് തൃശൂര്‍ പൂരം പ്രതിസന്ധിയില്‍ ആക്കിയതെന്ന് വലിയ...

News

അങ്കമാലിയില്‍ ഒരു കുടുംബത്തിലെ നാല് പേര്‍ക്ക് ദാരുണാന്ത്യം സംഭവിച്ച തീപിടിത്തത്തിന്റെ കാരണം എസിയിൽ നിന്നുള്ള ഗ്യാസ് ലീക്കെന്ന് നിഗമനം. മുറിയിലെ വയറിങ്ങിലും ചില പ്രശ്നങ്ങൾ കണ്ടെത്തി. ഇലക്ട്രിക്കൽ എൻജിനീയർ നാളെ വിശദമായ റിപ്പോർട്ട്...

Entertainment

സമൂഹ മാധ്യമങ്ങളിലെ സൈബർ ആക്രമണങ്ങള്‍ക്ക് എതിരെ പരാതിയുമായി ബാല നടി ദേവനന്ദ. ദേവനന്ദയുടെ അച്ഛനാണ് പൊലീസില്‍ പരാതിപ്പെട്ടിരിക്കുന്നത്. ദേവനന്ദ നല്‍കിയ ഒരു അഭിമുഖത്തിന്റെ ഭാഗം മാത്രം കട്ട് ചെയ്‍ത് പ്രചരിപ്പിച്ച് അപകീര്‍ത്തിപ്പെടുത്തുന്നുവെന്നാണ് പരാതി....

News

വേനലവധിക്ക് ശേഷം സംസ്ഥാനത്തെ സ്കൂളുകൾ നാളെ തുറക്കും. മൂന്ന് ലക്ഷത്തോളം നവാഗതർ ഒന്നാം ക്ലാസിലേക്കെത്തുമെന്നാണ് പ്രതീക്ഷ. സംസ്ഥാന തല പ്രവേശനോത്സവം എറണാകുളത്ത് മുഖ്യമന്ത്രി ഉദ്ഘാടനം ചെയ്യും. എറണാകുളം എളമക്കര സർക്കാർ ഹയർ സെക്കണ്ടറി...