.
ഏറ്റവും നീളമേറിയ മുടിയുള്ള കൗമാരക്കാരി എന്ന വേൾഡ് ഗിന്നസ് റെക്കോർഡ് ഇനി ഗുജറാത്തിൽ നിന്നുള്ള നിലാൻഷി പട്ടേലിന് . നിലാൻഷിയുടെ മുടിയുടെ നീളം 190 സെന്റീമീറ്ററാണ് . ഏകദേശം ആറടി 2.8 ഇഞ്ച്. കഴിഞ്ഞവർഷം നവംബറിൽ 170.5 സെന്റീമീറ്റർ മുടിയുമായി നിലാൻഷി റെക്കോർഡ് നേടിയിരുന്നു.
തങ്ങളുടെ ഇൻസ്റ്റഗ്രാം പേജിൽ ഗിന്നസ് വേൾഡ് റെക്കോർഡ്സ്, നിലാൻഷിയുടെ മുടിയുടെ ഫോട്ടോയും കുറിപ്പും പോസ്റ്റ് ചെയ്തിട്ടുണ്ട്.”‘ഏറ്റവും നീളമുള്ള മുടിയുള്ള കൗമാരിക്കാരി എന്ന റെക്കോർഡിനുടമയായ ഇന്ത്യയിൽ നിന്നുള്ള നിലാൻഷി പട്ടേൽ. 190 സെന്റീ മീറ്ററാണ് ഇവരുടെ മുടിയുടെ നീളം.” ഫോട്ടോയ്ക്കൊപ്പമുള്ള കുറിപ്പിൽ രേഖപ്പെടുത്തിയിരിക്കുന്നു .
അമ്മ വീട്ടിലുണ്ടാക്കുന്ന എണ്ണയാണ് തന്റെ നീളമേറിയ മനോഹരമായ മുടിയുടെ രഹസ്യം എന്ന് നിലാൻഷി പറയുന്നു. എന്നാൽ അതിൽ ഉപയോഗിക്കുന്ന ചേരുവകൾ അമ്മയ്ക്ക് മാത്രമറിയാവുന്ന പരമരഹസ്യമാണ് .
തന്റെ മുടി ആഴ്ചയിൽ ഒരു തവണ മാത്രമേ കഴുകാറുള്ളൂ. എന്നും ഇത്രയും നീളമുള്ള മുടി ഉണങ്ങാൻ തന്നെ ഒന്നരമണിക്കൂർ സമയമെടുക്കുമെന്നും നിലാൻഷി പറയുന്നു . കുറഞ്ഞത് ഒരു മണിക്കൂറാണ്. ചീകിയൊതുക്കാൻ വേണ്ടത് .
” എനിക്ക് എന്റെ മുടി വളരെയധികം ഇഷ്ടമാണ്. അത് മുറിക്കാൻ ഇഷ്ടമല്ല. എന്റെ പേര് ഗിന്നസ് ബുക്കിൽ എത്തണമെന്നത് അമ്മയുടെ ആഗ്രഹമായിരുന്നു.” നിലാൻഷിയുടെ വാക്കുകള്
![](https://truetvkerala.com/wp-content/uploads/2023/11/True-TV-Logo.png)
You must be logged in to post a comment Login