രാജ്യത്ത് സമ്പൂർണ ലോക് ഡൗൺ ആരംഭിച്ചതിൽ പിന്നെ ചലച്ചിത്ര താരങ്ങളായ മക്കളെയും ഭാര്യയെയും, ഭർത്താവിനെയും കുഞ്ഞുങ്ങളെയുമൊക്കെ കുറച്ച് നാളത്തേക്കെങ്കിലും തിരക്കുകളില്ലാതെ വീട്ടിൽ കിട്ടിയ സന്തോഷത്തിലാണ് ചലച്ചിത്ര താരങ്ങളുടെ കുടുംബങ്ങൾ. ലോക് ഡൗൺ സമയം വീട്ടിൽ ആനന്ദകരമാക്കുന്ന ചലച്ചിത്ര താരങ്ങളുടെ ചിത്രങ്ങളും വീഡിയോകളും ഇതിനിടെ സമൂഹമാധ്യമങ്ങളിൽ ഇടം പിടിച്ച് കഴിഞ്ഞു. ഈ ലോക് ഡൗൺ കാലത്ത് താരപ്രതിഭകളായ മക്കളെ വീട്ടിൽ കിട്ടിയ സന്തോഷത്താൽ അമ്മയെഴുതിയ കുറിപ്പ് സമൂഹ മാധ്യമങ്ങളിൽ പങ്കു വെച്ചിരിക്കുകയാണ് മഞ്ജു വാരിയർ.
സിനിമയുടെ തിരക്കുകളിൽ പെട്ട് ഓടി നടന്നിരുന്ന തന്റെ രണ്ടു മക്കളെയും അടുത്തു കിട്ടിയ സന്തോഷത്തിൽ അവരുടെ വീട്ടിലെ ജോലികളെക്കുറിച്ച് വാചാലയാകുകയാണ് മഞ്ജുവിന്റെ അമ്മ. മക്കളെക്കുറിച്ച് മഞ്ജുവിന്റെ അമ്മ എഴുതിയ
കുറിപ്പുകൾ മഞ്ജു തന്നെയാണ് സമൂഹമാധ്യമത്തിൽ പങ്കു വച്ചത്. ‘ഒരുപാട് വർഷങ്ങൾക്കു ശേഷം അമ്മ എഴുത്തിലേക്ക് തിരിച്ചു പോകുന്നു എന്ന ശീർഷകത്തോടെയാണ് നടി, അമ്മ എഴുതിയ കുറിപ്പുകളുടെ ചിത്രങ്ങൾ പങ്കുവെച്ചത്.
“ഇവിടെ എല്ലാവരും തിരക്കിലാണ്. കഥയെഴുത്തും സിനിമാചർച്ചകളുമായി തിരക്കുള്ള ഒരാൾ. അഭിനയവും നൃത്തവും ഒക്കെ
ഒക്കെയായി തിരക്കായി മാസത്തിൽ ഒന്നോ രണ്ടോ ദിവസമെങ്കിലും വീണു കിട്ടുന്ന ഒഴിവിൽ വിശ്രമിക്കാനെത്തുന്ന മറ്റൊരാൾ ഇവർ രണ്ടു പേരും ഇൗ വീട്ടിൽ ഇപ്പോൾ എന്നെക്കാൾ തിരക്കായി ഓടി നടക്കുന്നു” ഇങ്ങനെയാണ് മഞ്ജുവിന്റെ അമ്മ ഗിരിജ വാരിയരുടെ കുറിപ്പ് തുടങ്ങുന്നത്. പ്രകൃതി വിഭവങ്ങളെ കുറിച്ചും പാചകത്തെ കുറിച്ചും സജീവമായി അടുക്കളയെ കുറിച്ചുമെല്ലാം മനസ്സ് നിറഞ്ഞ് എഴുതിയിരിക്കുകയാണ് മഞ്ജുവിന്റെ അമ്മ.
മകനെ കുറിച്ചും മരുമകളെയും പേരക്കുട്ടികളെയും കുറിച്ചും എഴുത്തിൽ പ്രതിപാദിക്കുന്നുണ്ട്. വർഷങ്ങൾക്കു ശേഷമാണ് ഇത്തരത്തിൽ തിരക്കുകളെല്ലാം ഒഴിഞ്ഞ് എല്ലാവരും ഒരുമിച്ചുണ്ടാകുന്നതെന്നും ഇതുകാണാൻ മഞ്ജുവിന്റെ അച്ഛനും കൂടി ഉണ്ടായിരുന്നെങ്കിൽ എന്ന ആഗ്രഹം നിരാശയോടെ പ്രകടിപ്പിച്ചുകൊണ്ടുമാണ് അമ്മ കുറിപ്പ് നിർത്തുന്നത്. വളരെ ചുരുങ്ങിയ സമയം കൊണ്ടാണ് മഞ്ജു പങ്കുവെച്ച ഈ കുറിപ്പുകൾ വൈറലായി മാറിയത്.
You must be logged in to post a comment Login