കര്‍ണാടക – കല്‍ബുര്‍ഗിയില്‍ കൊറോണവൈറസ് ബാധ മൂലം മരിച്ച രോഗിയെ ചികിത്സിച്ച ഡോക്ടര്‍ക്ക് വൈറസ് ബാധ . സൗദി അറേബ്യയില്‍ നിന്നും തിരിച്ചെത്തിയ 76 കാരനായ രോഗി മാര്‍ച്ച് 12 നാണ് മരിച്ചത് . ഇയാളെ പരിചരിച്ച ഡോക്ടര്‍ക്കാണ് ഇപ്പോൾ വൈറസ് ബാധ സ്ഥിരീകരിച്ചത്. മരണശേഷമായിരുന്നു രോഗിക്ക് വൈറസ് ബാധിച്ചത് കണ്ടെത്തിയിരുന്നത് .’ഡോക്ടര്‍ നിലവില്‍ വീട്ടില്‍ ഐസൊലേഷനില്‍ തുടരുകയായിരുന്നു. അദ്ദേഹത്തെ ഇന്ന് ആശുപത്രിയില്‍ ഐസോലേഷന്‍ വാര്‍ഡിലേക്ക് മാറ്റും’, കല്‍ബുര്‍ഗി ഡെപ്യൂട്ടി കമ്മീഷണര്‍ ശരത് ബി എഎന്‍ഐയോട് പറഞ്ഞു.
കര്‍ണാടകയില്‍ കൊവിഡ് 19 സ്ഥിരീകരിച്ച പുതിയ രണ്ടു പേരില്‍ ഒരാളാണ് ഡോക്ടര്‍. 10 പേരില്‍ ഇതുവരെ കൊവിഡ് ബാധ സ്ഥിരീകരിച്ചിട്ടുണ്ട്. ഇതിനോടകം തന്നെ കര്‍ണാടകയില്‍ മാളുകള്‍, സിനിമാ തിയേറ്ററുകള്‍, സ്‌പോര്‍ട്‌സ് സ്‌റ്റേഡിയങ്ങള്‍, പാര്‍ക്കുകള്‍ എന്നിവ അടച്ചുപൂട്ടാന്‍ ഉത്തരവിട്ടിട്ടുണ്ട്. റിപ്പോര്‍ട്ട് ചെയ്ത പുതിയ കേസുകള്‍ അനുസരിച്ച് രാജ്യത്ത് 125 കേസുകള്‍ സ്ഥിരീകരിച്ചിട്ടുണ്ട്. മഹാരാഷ്ട്രിയില്‍ 7, കര്‍ണാടകയില്‍ 2, കേരളം, തെലങ്കാന എന്നിവിടങ്ങളില്‍ ഓരോന്നും വീതം വൈറസ് ബാധ സ്ഥിരീകരിച്ചിട്ടുണ്ട്.
You must be logged in to post a comment Login