Connect with us

Hi, what are you looking for?

News

ശരീരഭംഗിക്ക് ‘വായുഡയറ്റ്’; ഈ പെണ്‍കുട്ടി പറയുന്നത് ശ്രദ്ധിക്കൂ…

ആണായാലും പെണ്ണായാലും ഭംഗിയുള്ള ശരീരം… അതാണ് പലരുടെയും സ്വപ്നം. പ്രായം ഏറുംതോറും ചുളിവുകളും തടിവെക്കലും ഒക്കെയായി ശരീരംചില വികൃതികള്‍ കാട്ടിത്തുടങ്ങുന്നതോടെ മനസ്സും തളരും. എന്നാല്‍, ശരീരം ഭംഗിയാക്കാന്‍ ‘വായു ഡയറ്റ്’ ശീലിക്കാനാണ് ഇവിടെ പറഞ്ഞുവരുന്നത്. കേള്‍ക്കുമ്പോള്‍  അവിശ്വസനീയമെന്ന് തോന്നാമെങ്കിലും താന്‍ അനുഭവസ്ഥയാണെന്നാണ് ഓദ്ര ബെയര്‍ എന്ന അമേരിക്കക്കാരി പറയുന്നത്.

പുതിയ പരീക്ഷണം വിജയിച്ചതോടെ ഇത് എല്ലാവരിലേക്കുമെത്തിക്കാനാണ് ഈ ഇരുപത്തിയഞ്ചുകാരിയുടെ ലക്ഷ്യം. തന്റെ ഇന്‍സ്റ്റഗ്രാം പേജിലൂടെയാണ് ഓദ്ര ഇതിന് വേണ്ടിയുള്ള പ്രചരണങ്ങള്‍ നടത്തുന്നത്.

ശരീരം ഭംഗിയായിരിക്കാനും ആരോഗ്യം കാത്തുസൂക്ഷിക്കാനുമെല്ലാമാണല്ലോ നമ്മള്‍ ഡയറ്റിനെ ആശ്രയിക്കുന്നത്. ഓരോരുത്തരുടേയും ജീവിതസാഹചര്യങ്ങളും ശാരീരികാവസ്ഥകളും കണക്കിലെടുത്താണ് ഡയറ്റ് തീരുമാനിക്കേണ്ടത്. എന്നാല്‍ എല്ലായ്പോഴും ഡയറ്റിന് കൃത്യമായ ഫലം ഉണ്ടാകണമെന്നുമില്ല. ഇതാണ് ഓദ്ര ബെയര്‍ എന്ന അമേരിക്കക്കാരിക്കും സംഭവിച്ചത്.

ശരീരഘടന ഭംഗിയാക്കാന്‍ വേണ്ടി ചെറുപ്രായത്തില്‍ തന്നെ പല ഡയറ്റുകളും പരീക്ഷിച്ചു. പക്ഷേ എല്ലാം ഒന്നിന് പിറകെ ഒന്നായി പരാജയപ്പെട്ടു. അങ്ങനെയിരിക്കുമ്പോഴാണ് പുതിയൊരു ഡയറ്റിനെപ്പറ്റി ഓദ്ര അറിയുന്നത്. ഇതൊരു ഡയറ്റ് മാത്രമല്ല, ജീവിതരീതി കൂടിയാണെന്നാണ് ഇവര്‍ അവകാശപ്പെടുന്നത്.

‘പ്രാണിക് ലൈഫ്സ്‌റ്റൈല്‍’ എന്നാണ് ഇതിനെ വിളിക്കുന്നത്. ദിവസത്തില്‍ 40 മിനുറ്റോളം ശ്വസന വ്യായാമങ്ങള്‍ ചെയ്യുന്നതാണ് ഇതിന്റെ പ്രധാന ഭാഗം. വിശക്കുമ്പോള്‍ വായു ഭക്ഷിക്കും പോലെയാണ് ഇതെന്നാണ് ഓദ്ര പറയുന്നത്. ഇതോടൊപ്പം തന്നെ ഭക്ഷണം പൂര്‍ണ്ണമായി ഉപേക്ഷിച്ചു. പകരം നാരങ്ങാനീര്, കരിക്ക്, വിവിധ പഴങ്ങളുടേയും പച്ചക്കറികളുടേയും ജ്യൂസ്, വെള്ളം എന്നിവ മാത്രമുള്ള ഡയറ്റാക്കി.

97 ദിവസം ഈ രീതി തുടര്‍ന്നു. വലിയ മാറ്റമാണ് ശരീരത്തിനും മനസിനും വന്നിരിക്കുന്നതെന്നാണ് ഓദ്ര അവകാശപ്പെടുന്നത്. പ്രകൃതിയുടെ ശക്തി തിരിച്ചറിയുകയും, അതിനെ ഉപയോഗപ്പെടുത്തുകയും ചെയ്യുന്നതാണ് ‘പ്രാണിക് ലൈഫ്സ്‌റ്റൈലി’ന്റെ പ്രത്യേകതയെന്ന് ഇവര്‍ പറയുന്നു.

കട്ടിയുള്ള ഭക്ഷണങ്ങളെ ശരീരം പിന്നീട് ആവശ്യപ്പെടാതായെന്നും, ഇതുവഴി ശരീരത്തില്‍ അടിഞ്ഞിരുന്ന വിഷപദാര്‍ത്ഥങ്ങളെല്ലാം പുറന്തള്ളാന്‍ ശരീരത്തിന് സാവകാശം ലഭിച്ചുവെന്നും ഇവര്‍ പറയുന്നു.

Click to comment

You must be logged in to post a comment Login

Leave a Reply

You May Also Like

News

തൃശൂര്‍ കമ്മീഷ്ണര്‍ അങ്കിത് അശോകന് സ്ഥലംമാറ്റം. ഇളങ്കോ ആണ് പുതിയ തൃശ്ശൂര്‍ സിറ്റി പൊലീസ് കമ്മീഷ്ണര്‍. അങ്കിതിന് പുതിയ നിയമനം നല്‍കിയിട്ടില്ല. പൊലീസിന്റെ അനാവശ്യ നിയന്ത്രണങ്ങളാണ് തൃശൂര്‍ പൂരം പ്രതിസന്ധിയില്‍ ആക്കിയതെന്ന് വലിയ...

News

അങ്കമാലിയില്‍ ഒരു കുടുംബത്തിലെ നാല് പേര്‍ക്ക് ദാരുണാന്ത്യം സംഭവിച്ച തീപിടിത്തത്തിന്റെ കാരണം എസിയിൽ നിന്നുള്ള ഗ്യാസ് ലീക്കെന്ന് നിഗമനം. മുറിയിലെ വയറിങ്ങിലും ചില പ്രശ്നങ്ങൾ കണ്ടെത്തി. ഇലക്ട്രിക്കൽ എൻജിനീയർ നാളെ വിശദമായ റിപ്പോർട്ട്...

News

അബുദാബി-കോഴിക്കോട് വിമാനത്തിൽ തീപിടുത്തം. യാത്രക്കാരന്റെ പവർ ബാങ്ക് പൊട്ടിത്തെറിച്ചാണ് തീപിടിച്ചത്. ആളപായമില്ല. ഇന്ന് പുലർച്ചെ എയർ അറേബ്യയുടെ വിമാനം അബുദാബിയിൽ നിന്നും കോഴിക്കോട്ടേക്ക് പുറപ്പെടുമ്പോഴാണ് സംഭവം. പവർ ബാങ്ക് പൊട്ടിത്തെറിച്ച് തീപിടിക്കുകയും എക്‌സിറ്റ്...

Entertainment

സമൂഹ മാധ്യമങ്ങളിലെ സൈബർ ആക്രമണങ്ങള്‍ക്ക് എതിരെ പരാതിയുമായി ബാല നടി ദേവനന്ദ. ദേവനന്ദയുടെ അച്ഛനാണ് പൊലീസില്‍ പരാതിപ്പെട്ടിരിക്കുന്നത്. ദേവനന്ദ നല്‍കിയ ഒരു അഭിമുഖത്തിന്റെ ഭാഗം മാത്രം കട്ട് ചെയ്‍ത് പ്രചരിപ്പിച്ച് അപകീര്‍ത്തിപ്പെടുത്തുന്നുവെന്നാണ് പരാതി....