കാസർഗോഡ്: വിധവയായ സ്ത്രീയുടെയും കുഞ്ഞിന്റെയും നേരെ ഭർത്താവിന്റെ സഹോദരൻ ആസിഡ് ഒഴിച്ചു. കഡബ സ്വദേശിയായ സ്ത്രീക്കും കുഞ്ഞിനും നേരെയാണ് ആക്രമണം ഉണ്ടായത് അമ്മയെയും മൂന്ന് വയസുള്ള മകളെയും മംഗളൂരുവിലെ സ്വകാര്യ ആശുപത്രിയിൽ പ്രവേശിപ്പിച്ചു.
കസബയിൽ എൽഐസി ഏജന്റായി പ്രവർത്തിക്കുന്ന ജയാനന്ദയെ (55) സംഭവത്തിൽ പോലീസ് അറസ്റ്റ് ചെയ്തിട്ടുണ്ട്. യുവതിയുടെ ഭർത്താവിന്റെ സഹോദരനാണ് ജയാനന്ദ.
ഭർത്താവ് നൽകാനുള്ള പണം തിരികെ ചോദിച്ചായിരുന്നു യുവതിയുടെ നേരെ ആക്രമണം. ജയാനന്ദ പണം തിരികെ ചോദിച്ച് തന്നെ അസഭ്യം പറയുന്നത് യുവതി മൊബൈൽ പകർത്തി. തുടർന്ന് ഇതിൽ പ്രകോപിതനായാണ് ജയാനന്ദ തന്റെ കൈയ്യിൽ കരുതിയിരുന്ന ആസിഡ് യുവതിയുടെയും മകളുടെയും മുഖത്തേക്ക് ഒഴിച്ചത്. ഇരുവരുടെയും നിലവിളി കേട്ട് വന്ന പരിസര വാസികളാണ് യുവതിയെയും മകളെയും ആശുപത്രിയിൽ പ്രവേശിപ്പിച്ചത്.
![](https://truetvkerala.com/wp-content/uploads/2023/11/True-TV-Logo.png)
You must be logged in to post a comment Login