പെട്രോൾ, ഡീസൽ വിലയിൽ പുതുവര്‍ഷത്തിലെ ആദ്യ വര്‍ധനവ് രേഖപ്പെടുത്തി !
പെട്രോൾ, ഡീസൽ വിലയിൽ പുതുവര്‍ഷത്തിലെ ആദ്യ വര്‍ധനവ് രേഖപ്പെടുത്തി. പെട്രോൾ ലിറ്ററിന് 8 പൈസ കൂടി 78.68 രൂപയിലും ഡീസൽ ലിറ്ററിന് 12 പൈസ കൂടി 73.23 രൂപയിലുമെത്തി.
ഈ വര്‍ഷത്തിലെ ആദ്യ ദിനം പെട്രോൾ, ഡീസൽ വിലയിൽ വര്‍ധനവ് ഉണ്ടായിരുന്നില്ല. എന്നാൽ ഡിസംബറില്‍ ഡീസൽ വിലയിൽ തുടര്‍ച്ചയായ വര്‍ധനവ് രേഖപ്പെടുത്തിയിരുന്നു. ഇന്ധന നിരക്കിൽ ഒരു രൂപ വീതം എക്സൈസ് നികുതിയും റോഡ് അടിസ്ഥാന സൗകര്യ സെസുമാണ് കേന്ദ്ര സർക്കാർ ചുമത്തുന്നത്.
തിരുവനന്തപുരത്ത് പെട്രോള്‍ ലിറ്ററിന് 78.68 രൂപയിലും ഡീസൽ ലിറ്ററിന് 73.23 രൂപയിലുമാണ് ഇന്ന് വ്യാപാരം ആരംഭിച്ചത്. കൊച്ചിയിൽ പെട്രോള്‍ ലിറ്ററിന് 77.31 രൂപയും ഡീസൽ 71.84 രൂപയുമാണ്. കോഴിക്കോട് പെട്രോൾ ലിറ്ററിന് 77.64 രൂപയും ഡീസൽ ലിറ്ററിന് 72.17 രൂപയുമാണ് ഇന്നത്തെ നിരക്ക്.
രാജ്യതലസ്ഥാനമായ ഡൽഹിയിൽ പെട്രോളിന് 75.25 രൂപയും ഡീസലിന് 68.1 രൂപയുമാണ്. രാജ്യവ്യാപാര തലസ്ഥാനമായ മുംബൈയിൽ പെട്രോളിന് 80.87 രൂപയും ഡീസലിന് 71.42 രൂപയുമാണ് വില നിലവാരം. ആഗോള വിപണിയിലെ വ്യതിയാനങ്ങളാണ് ആഭ്യന്തര വിപണിയിലും പ്രതിഫലിക്കുന്നത്.
You must be logged in to post a comment Login