ബുധനാഴ്ച രാവിലെയോടെ ക്യാമ്പില്‍ നടന്ന വെടിവെയ്പ്പില്‍ മലയാളിയായ ബിജീഷ് ഉള്‍പ്പടെ ആറു ജവാന്മാര്‍ കൊല്ലപ്പെട്ടു. റായ്പൂര്‍ ബസ്തര്‍ ഡിവിഷനിലെ നാരായണന്‍പൂര്‍ ജില്ലയിലെ പോലിസ് ക്യാമ്പില്‍ ബുധനാഴ്ച രാവിലെയോടെ ആയിരുന്നു സംഭവം ആരങ്ങേറിയത്. ക്യാമ്പിലെ സഹപ്രവര്‍ത്തകര്‍ തമ്മില്‍ ഡ്യൂട്ടി സമയത്തെ ചൊല്ലി ഉണ്ടായ തര്‍ക്കത്തിനോടുവില്‍ ബംഗാള്‍ സ്വദേശിയായ 45 ബറ്റാലിയന്‍ കോണ്‍സ്റ്റബിള്‍ മുസുദുള്‍ റഹ്മാന്‍ സഹപ്രവര്‍ത്തകര്‍ക്ക് നേരെ തന്റെ തോക്കില്‍ നിന്നും വെടിയുതിര്‍ക്കുകയായിരുന്നു. കോഴിക്കോട് പേരാബ്ര സ്വദേശിയായ ബിജീഷും മറ്റു അഞ്ചു ജവാന്‍മാരും സംഭവസ്ഥലത്ത് വെച്ച് തന്നെ കൊല്ലപ്പെടുകയാണുണ്ടായത്. മരിച്ച ജവാന്മാരില്‍ മൂന്നു പേര്‍ പശ്ചിമബംഗാള്‍ സ്വദേശികളും മറ്റു രണ്ടു പേര്‍ ഹിമാചല്‍പ്രദേശ് , പഞ്ചാബ് സ്വദേശികളും ആണ്. തിരുവനന്തപുരം സ്വദേശി എസ് ബി ഉല്ലാസ് ഉള്‍പ്പടെ പരിക്കേറ്റ മറ്റു രണ്ടു ജവാന്‍മാരുടെ നില ഗുരുതരമല്ല .
You must be logged in to post a comment Login