നാടു വിറപ്പിച്ച് മുഖംമൂടി ധരിച്ച് വടിവാളുമായി നായ്ക്കളെ വെട്ടിവീഴ്ത്തി അജ്ഞാതൻ !

ജനങ്ങളെ ഭയപ്പാടിന്റെ മുൾമുനയിൽ നിർത്തിക്കൊണ്ട് 5 വീടുകളിലെ വളർത്തു നായ്ക്കളെ അജ്ഞാതൻ വാളുകൊണ്ട് വെട്ടി വീഴ്ത്തി . ഒരു നായ ചത്തു. 4 എണ്ണം അധികം വൈകാതെ ചത്തുപോകാവുന്ന നിലയിലാണ്. എഴുപുന്ന പഞ്ചായത്തിലെ നീണ്ടകര പ്രദേശത്ത് ആണ് സംഭവം നടന്നത് കഴിഞ്ഞ 2 രാത്രിയിലാണ് മുഖംമൂടി ധരിച്ച അജ്ഞാതൻ വളർത്തു നായ്ക്കളെ ആക്രമിച്ചത്. വെട്ടേറ്റു ചത്തത് കാരുവള്ളിൽ ജോയിയുടെ ഒന്നര വർഷമായി വളർത്തുന്ന അൾസേഷ്യൻ നായയാണ് . ഇതിനെ തലേന്ന് വെട്ടി പരുക്കേൽപിച്ചിരുന്നു. പിറ്റേന്നാണ് വെട്ടി രണ്ടു കഷണമാക്കിയത്.
കാരുവള്ളിൽ ജോയിയുടെ വീടിന്റെ പരിസരത്തെ മറ്റ് 4 വീടുകളി നായ്ക്കളെയാണ് വെട്ടി പരിക്കേൽപ്പിച്ചിരിക്കുന്നത് . ആദ്യം വീടുകളുടെ
വീടിനു നേരെ കല്ലെറിയുകയും ജനാലകളിൽ ഇടിക്കുകയും ചെയ്തതിനു ശേഷമാണ് നായ്ക്കളെ വെട്ടിയത്. ഭയം മൂലം വീടുകളിൽ ഉണ്ടായിരുന്നവരാരും പുറത്തിറങ്ങിയില്ല. മുഖംമൂടി ധരിച്ച് നല്ല ഉയരമുള്ള ആളാണെന്നും കയ്യിൽ നീളമുള്ള വടിവാൾ ഉണ്ടായിരുന്നെന്നും ജനാലയിലൂടെ വീട്ടുകാരിൽ ചിലർ കണ്ടിരുന്നു.