ധാരാളം ഗുണങ്ങളുള്ള ഒരു സസ്യമാണ് തുളസി. രോഗപ്രതിരോധ ശേഷിയെ ശക്തിപ്പെടുത്തുന്നതിനും, ബാക്ടീരിയ, വൈറൽ അണുബാധുകളെ നേരിടാനും ചർമ്മ രോഗങ്ങളെ പ്രതിരോധിക്കാനും സിദ്ധൗഷധമാണ് തുളസി. പ്രകൃതി ചികിത്സ, ആയുർവേദം എന്നിവയ്ക്ക് തുളസി പ്രധാനമാണ്.
വിവിധ അസുഖങ്ങൾക്കായി ഉപയോഗിക്കുന്ന ഒട്ടേറെ എണ്ണകളിൽ തുളസിയിലയുടെ സാന്നിധ്യം ഒഴിച്ച് കൂടാനാകാത്തതാണ് . തുളസിയിലയിൽ കാണുന്ന എണ്ണയുടെ അംശം നമ്മുടെ ശ്വസന വ്യവസ്ഥകളിൽ കാര്യക്ഷമമായി പ്രവർത്തിക്കുന്നവയാണ്. പ്രമേഹത്തെ എതിർക്കുന്നതിനും, രക്തസമ്മർദ്ദം കുറക്കാനും ഇത് സഹായിക്കും.കൊളസ്ട്രോള്‍ കുറയ്ക്കാനും ഇത് സഹായകരമാണ് .
തുളസി ഇലയിട്ട വെള്ളം കുടിക്കുന്നത് ശരീരത്തിലെ ഫാറ്റ് കുറയ്ക്കാന്‍ നല്ലതാണ്. തുളസിക്ക് അലർജിക്കും അണുബാധക്കും എതിരെ പ്രവർത്തിക്കാൻ കഴിവുണ്ട് . തുളസിയിൽ കാണുന്ന ലിനോലേക് ആസിഡ് ചർമത്തിന് വളരെ ഗുണകരമാണ്. ഒട്ടേറെ സൗന്ദര്യവർധക വസ്തുക്കളും ഇത് ഉപയോഗിച്ച് നിർമിക്കുന്നുണ്ട്. വേപ്പ്, മഞ്ഞൾ, തുളസി എന്നിവ ചേർത്ത് മുഖക്കുരു സാധ്യതയെ ഫലപ്രദമായി പ്രതിരോധിക്കാവുന്നതാണ് .
You must be logged in to post a comment Login