അമേരിക്കയില്‍ നിന്നെത്തിയ നിക്കോള ടിമോഷെ കേരളത്തെ പറ്റി പാടിയ പാട്ടും ,വീഡിയോയും മലയാളികളാകെ ഏറ്റെടുത്തിരിക്കുകയാണ്.
കേരളത്തിന്റെ ലോഗോ വച്ച്‌ സായിപ്പന്മാര്‍ ടി-ഷര്‍ട്ട് അടിച്ചു തുടങ്ങി എന്ന പേരില്‍ ആ വീഡിയോ സമൂഹ മാദ്ധ്യമങ്ങളില്‍ വൈറലാണ്.ഉക്രെയിന്‍കാരനാണെങ്കിലും അമേരിക്കയില്‍ സ്ഥിര താമസമാക്കിയ നിക്കോള സ്വന്തം അനുഭവത്തിന്റെ വെളിച്ചത്തിലാണ് ആല്‍ബം ഇറക്കിയത്. ആളിപ്പോള്‍ കോഴിക്കോട് ‘വീട്ടിരിക്കുക’യാണ്.
ദൈവത്തിന്റെ സ്വന്തം നാട്ടില്‍ ലോക്കായതില്‍ സന്തോഷിക്കുകയാണെന്ന് പ്രകടനത്തില്‍ നിന്നും പാട്ടിലെ വരികളില്‍ നിന്നും വായിച്ചെടുക്കാം.കേരളത്തിന്റെ പടം ടി-ഷര്‍ട്ടില്‍ പിടിപ്പിക്കുന്നതും അത് ധരിച്ച്‌ ആഘോഷിക്കുന്നതുമാണ് വീഡിയോയില്‍.കേരളത്തിനെ പ്രശംസിക്കുന്ന ഇംഗ്ളീഷ് വരികള്‍ക്കൊടുവില്‍ പച്ചമലയാളത്തില്‍ സായിപ്പിന്റെ ഡയലോഗ് ഇങ്ങനെ – ‘നമ്മുടെ നാട് നമ്മുടെ വീട്’. ബാക്ക് ടു ലൈഫ് എന്ന ടാഗിലാണ് ആഘോഷം സമൂഹമാദ്ധ്യമങ്ങളില്‍ ഷെയര്‍ ചെയ്യുന്നത്.
കേരളത്തിലും മറ്റും കറങ്ങാന്‍ എത്തത്തിയതാണ് സഞ്ചാരസാഹിത്യകാരനും മ്യൂസിക് വീഡിയോകളുടെ സംവിധായകനുമൊക്കെയായ നിക്കോള.ഇവിടുത്തെ പറോട്ടയൊക്കെ വലിച്ചു കീറി കഴിച്ച്‌, ബീച്ചുകളിലും നാട്ടുവഴികളിലും ഉല്ലസിച്ച്‌ നടന്നപ്പോഴാണ് ലോക്കായി പോയത്. ഇപ്പോള്‍ താമസിക്കുന്നിടത്തു നിന്ന് പുറത്തുപോകാനാവാത്തതിനാല്‍ മ്യൂസിക് വീഡിയോകള്‍ നിര്‍മ്മിച്ച്‌ ഇന്‍സ്റ്റാഗ്രാം പേജില്‍ പങ്കുവയ്ക്കുകയാണ്.
പ്രധാനമന്ത്രി ലോക്ക് ഡൗണ്‍ പ്രഖ്യാപിച്ചപ്പോള്‍ നിക്കോള ആദ്യം ഞെട്ടി. ചെന്നൈ വഴി മുംബയില്‍ പോകാനായിരുന്നു പ്ലാന്‍. പിന്നീട് മനസിലായി എല്ലാ നല്ലതിനാണെന്ന്. അമേരിക്കയിലെങ്ങാനും എത്തിയിരുന്നെങ്കില്‍ ഇപ്പോൾ…..
You must be logged in to post a comment Login