പ്രാര്‍ത്ഥനയില്‍ ഏര്‍പ്പെട്ടിരുന്ന ഒരു ബുദ്ധസന്യാസിയുടെ ക്ഷമ പരീക്ഷിക്കുകയാണ് ഒരു പൂച്ച . ധ്യാനത്തില്‍ ശ്രദ്ധിച്ചിരുന്ന സന്യാസിയുടെ മടിയില്‍ കയറിയിരുന്ന് സ്‌നേഹപ്രകടനം നടത്തുകയാണ് പൂച്ച. പൂച്ച ഈ സന്യാസിക്കൊപ്പം അഞ്ചു മണിക്കൂര്‍ നീണ്ട പ്രാര്‍ത്ഥനയില്‍ ഉണ്ടായിരുന്നു എന്നാണ് സോഷ്യല്‍ മീഡിയയിലെ വൈറലായ വീഡിയോയുടെ ഒപ്പം പുറത്തുവന്ന വാര്‍ത്ത സൂചിപ്പിക്കുന്നത്.
ബാങ്കോക്കിനു പുറത്തുള്ള വാറ്റ് ഉദോംറാങ്‌സിയിലെ ക്ഷേത്രത്തിലാണ് ലോങ് പി കോംക്രിത് ടീചാകോടോ എന്ന സന്യാസിയുടെ ക്ഷമ പൂച്ച പരീക്ഷിക്കുന്നത്. സമീപത്തിരിക്കുന്ന മുതിര്‍ന്ന സന്യാസി ഇടയ്ക്കിടെ ഇത് ശ്രദ്ധിക്കുന്നുമുണ്ട്. താന്‍ പ്രാര്‍ത്ഥനാപുസ്തകം വായിക്കാന്‍ ശ്രമിക്കുകയായിരുന്നു. എന്നാല്‍ പൂച്ച തന്റെ ശ്രദ്ധ മുഴുവന്‍ കൊണ്ടുപോയി എന്ന് സന്യാസി പറയുന്നു.
വാറ്റ് ഉദോംറാങ്‌സിയിലെ ക്ഷേത്രത്തില്‍ പ്രാര്‍ത്ഥനയ്‌ക്കെത്തിയ നൊഫയോങ് സൂക്ഫാന്‍ എന്നയാളാണ് ഈ ദൃശ്യം പകര്‍ത്തി സോഷ്യല്‍ മീഡിയയിലൂടെ പ്രചരിപ്പിച്ചത്. പിന്നീട് നിരവധി മാധ്യമങ്ങള്‍ ഈ വീഡിയോ ഏറ്റെടുക്കുകയുണ്ടായി . പൂച്ചയും ബുദ്ധ ക്ഷേത്രത്തിലെ തന്നെ അന്തേവാസിയാണ് . സ്‌നേഹപ്രകടനം അതിരുകടന്നപ്പോള്‍ പൂച്ചയെ തട്ടിമാറ്റാന്‍ സന്യാസി ശ്രമിക്കുന്നുണ്ടെങ്കിലും പൂച്ച പിന്മാറാന്‍ തയാറാകുന്നില്ല എന്നതും വിഡിയോയില്‍ ദ്രിശ്യമാണ് .
You must be logged in to post a comment Login