ബച്ചന്‍ കുടുംബത്തെ കോവിഡ് കുടുക്കിയത് ഡബ്ബിങ് യാത്രയില്‍ ; ജോലിക്കാരില്‍ 30 പേര്‍ ക്വാറന്റൈനില്‍..! ഐശ്വര്യറായിയുടെയും മകളുടെയും നില തൃപ്തികരം

0
158

അമിതാഭ് ബച്ചനും മകന്‍ അഭിഷേക് ബച്ചനും കോവിഡ് ബാധിച്ചത് ഡബ്ബിംഗ് യാത്രയിലെന്ന് സൂചന. ഈ മാസം ആദ്യം അഭിഷേക് ബച്ചന്‍   അഭിനയിച്ച വെബ് സീരീസിന്റെ ഡബ്ബിങ്ങിന് ഏതാനും ദിവസം മുന്‍പ് പുറത്തു സ്റ്റുഡിയോയില്‍ പോയിരുന്നു. ആ യാത്രയ്ക്കിടെയാകും കോവിഡ് ബാധിച്ചതെന്നാണ് സംശയമുയര്‍ന്നിരിക്കുന്നത്.

എന്നാല്‍ അഭിഷേകിനൊപ്പം അന്ന് ഡബ്ബ് ചെയ്ത നടന്‍ അമിത് സാധിന്റെ പരിശോധനാഫലം നെഗറ്റീവാണ്. അമിതാഭിന്റെയും അഭിഷേകിന്റെയും അരോഗ്യനില തൃപ്തികരമാണ്. ഇരുവരും ചികിത്സയിലുള്ള നാനാവതി ആശുപത്രി അധികൃതര്‍ അറിയിച്ചു.

ഇതിനിടെ, കോവിഡ് സ്ഥിരീകരിച്ച് ഹോം ക്വാറന്റീനില്‍ കഴിയുന്ന ഐശ്യര്യ റായ്, മകള്‍ ആരാധ്യ എന്നിവരുടെ നിലയും തൃപ്തികരമാണെന്ന് കുടുംബവൃത്തങ്ങള്‍ പറഞ്ഞു. ബച്ചന്‍ കുടുംബത്തിലെ ജോലിക്കാരായ 30 പേര്‍ ക്വാറന്റൈനിലാണ്.

നാനാവതി ആശുപത്രിയിലെ കോവിഡ് വിഭാഗത്തില്‍ തൊട്ടടുത്ത മുറികളിലാണ് ബച്ചനും അഭിഷേകും. 77 വയസ്സുള്ള അമിതാഭ് ബച്ചന് കരള്‍രോഗവും ആസ്മയും ഉള്ളതിനാല്‍ മെഡിക്കല്‍ സംഘം അതീവ ജാഗ്രതയിലാണ്. ഇരുവരേയും കുറച്ചുകൂടി സൗകര്യമുള്ള ഡീലക്സ് മുറികളിലേക്ക് മാറ്റി. ചികിത്സയോട് നല്ല രീതിയില്‍ ശരീരം പ്രതികരിക്കുന്നുണ്ടെന്ന് ആശുപത്രി അധികൃതര്‍ അറിയിച്ചു.